Portieri Luca Crosta është lojtari më i ri i Dinamos. 24-vjeçari do të zëvendësojë portierin Simon Simoni, i cili u largua pak javë më parë për tu transferuar në Gjermani tek Eintracht Frankfurt.
Crosta është një prodhim i Milanit teksa ka dalë nga akademia e kuqezinjve dhe ka luajtur edhe me Cagliarin në Serie A ndërsa tani do të veshë fanellën e Dinamos me synimin për t’u ngjitur në elitën e futbollit shqiptar. Portieri ka firmosur me blutë deri në vitin 2025.
NJOFTIMI I DINAMOS:
Dinamo njofton se ka arritur marrëveshjen me portierin Luca Crosta, i cili ka firmosur për të qenë pjesë e bluve deri në vitin 2025.
24-vjeçari i cili është formuar në akademinë e AC Milan si dhe ka luajtur edhe në Serie A me skuadrën e Cagliari-t, vjen tek blutë e kryeqytetit pas një eksperience në ligën e dytë greke me skuadrën Irodotos FC.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
