Presidenti i Napolit, Aurelio De Laurentiis, në një intervistë të dhënë, është shprehur se të kaltrit e kishin mbyllur marrëveshjen me Zlatan Ibrahimovic në verën e 2020, por asokohe ishte trajneri Gattuso që e refuzoi suedezin.
Ne kishim arritur marrëveshjen me Zalatan Ibrahimovic, por më pas Ancelotti u shkarkua dhe u zëvendësua nga Gattuso. Ky i fundit më telefonoi dhe më tha që nuk duhej Ibra, skuadra nuk kishte nevojë për të. Unë i besova Gattusos.
De Laurentiis foli edhe për trajnerin Lucciano Spalletti, i cili ka bërë një punë të shkëlqyer te Napoli këtë sezon.
Unë e bëra zgjedhjen e Spalletti në janar 2021. Shkova në Milano fshehurazi në shtëpinë e tij dhe i kërkova të nënshkruante një kontratë dyvjeçare me opsion edhe për vitin e tretë, që ai nuk donte ta nënshkruante. Më pas e binda. Nëse do të ikë, do të shtrëngojmë duart dhe asgjë nuk do të ndodhë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
