Merkatoja vijon e vrullshme për të gjitha ekipet por sigurisht fokusin më të madh e marrin ato të elitës . Milani i Stefano Piolit në kohët e fundit po has vështirësi për arritjen e një objektivi .
Flitet për mesfushorin e Club Brugges Charles de Ketelaere për të cilin sipas informacioneve të medias belge ‘ HLN ‘ negociatat janë paralizuar duke krijuar një lloj barriere për kuqezinjtë .
Kërkesa prej 35 milionë eurosh është konsideruar e ekzagjeruar nga drejtuesit e ‘’ Djallit ‘’ , të cilët janë të gatshëm të ofrojne deri në 32 për gjigandin nga Bryzh.
21 vjeçari arriti shumë shpejt të tregojë vlerat tek Club Brugge dhe gjatë sezonit të shkuar spikati me 18 gola dhe 10 asiste duke përfshirë të gjitha kompeticionet ku belgët morën pjesë .
Gjithsesi një kalim i mundshëm në ‘’ San Siro ‘’ do të ishte një hap tejet i suksesshëm për Charles de Ketelaere dhe kampionët në fuqi të Scudettos shpresojnë në arritjen e një marrëveshje për faktin se në sezonin e ri i pret një sfidë shumë e ashpër , fillimisht për mbrojtjen e titullit dhe më pas pretendimit për të shtuar sukseset në vitrinën e tejmbushur me të tillë.
Duke qenë se është një ekip elite pa harruar peripecitë e viteve të fundit , Milani mbetet një shans që s’duhet humbur sidomos për talentë të këtij niveli sepse një transferim i mundshëm përkthehet në mbrojtjen e ngjyrave të një ndër ekipeve më të famshëm të historisë së futbollit .
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
