Përforcimi i prapavijës vijon të jetë një prioritet për trainerin e Chelseat Xabi Alonso.
Ishi i Bayer Leverkusenit do të ketë një sfidë të vështirë duke qenë se tek anglezët presioni është shumë i madh dhe gabimet kushtojnë shtrenjtë.
Objektivi i rradhës aktivizohet tek Rayo Vallecano. Flitet për Pep Chavarrian, një lojtar cilësor në prapavijë.
Për 28 vjeçarin presidenti Raul Martin Presa e dha sinjalin duke refuzuar 9 milionë euro plus bonuse dhe pas kësaj situate Todd Boehly e ka rritur stekën.
Tashmë 15 milionë euro është oferta e amerikanit edhe pse sipas Fabrizio Romanos klauzola për prishjen e kontratës i arrin 50 milionë eurot.
Pep Chavarria do të jetë i lidhur me ‘’ Rayistas ‘’ deri në 30 qershorin e 2030 tës i cili sezonin e shkuar u aktivizua në 2681 minuta të ndara në 44 sfida.
Momentalisht vlera e kartonit i arrin 10 milionë eurot, shifër jo problematike për numrin një të ‘’ Bluve të Londrës ‘’.
Xabi Alonso e ka treguar edhe tek ‘’ Aspirinat ‘’ se çfarë është i aftë të bëjë por edhe tek ekipi i dytë i Real Sociedadit me të cilin fitoi kampionatin.
Tashmë dyert e ‘’ Stamford Bridges ‘’ janë hapur për lojtarin nga Figueras, i cili nëse do të vendosë për Premier Leaguen do të ishte eksperienca e parë jashtë Spanjës.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
