Huazimi i Romelu Lukakut tek Interi , sipas britanikes ‘ Daily Mail ‘ po e bind trainerin Graham Potter për ripërfshirjen e sulmuesit në projektin ambicioz të Chelseat .
Në etapën e dytë tek londinezët , belgu nuk i përmbushi pritshmëritë dhe kryeqytetasit e huazuan tek zikaltërit, lojtar që e ka rigjetur veten tek italianët.
Mirëpo drejtuesit e anglezëve mendojnë ndryshe nga 29 vjeçari i cili ka deklaruar prej kohësh se dëshiron vijimin e eksperiencës me ish kampionët e Scudettos, të cilët janë të vetëdijshëm për potencialin e golashënuesit .
Problemi i Interit është se nuk disponon të ardhurat e mjaftueshme për ta blerë të ashtuquajturin ‘’ Bualli ‘’ dhe kuptohet qartazi se në fundin e sezonit është e sigurtë se Romelu Lukaku do të rikthehet në Londër dhe më pas të merret një vendim definitiv për të ardhmen e një ndër sulmuesve më të rrezikshëm në qarkullim.
Sigurisht e kaluara e ndihmon për të qenë më i qartë në vendimarrje dhe arrihet qartësisht në konkluzionin se zgjidhja më e mirë është qëndrimi në ‘’ Giusseppe Meazza ‘’.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
