Mesfushori i Juventusit, Nicolo Fagioli, është pezulluar për 7 muaj nga futbolli. Lojtari akuzohej për përfshirje në vendosjen e basteve.
22-vjeçari ka pranuar akuzat dhe ka arritur akordin me Prokurorinë Federale, për dënimin.
Fagioli është pezulluar për 7 muaj nga futbolli dhe do i nënshtrohet një terapie, pasi ka varësi ndaj basteve sportive, e cila i ndalohet futbollistëve.
Komunitata e Federatës Italiane:
Prokuroria Federale ka arritur një akord me futbollistin Nicolo Fagioli si rrjedhojë e të cilit do të jetë i ndëshkuar me një skualifikim prej 12 muajsh, 5 nga të cilët të transformuar në dënime alternative, si dhe një gjobë prej 12500 eurosh, për thyerjen e nenit 24 të Kodit Sportiv që ndalon mundësinë e vendosjes së basteve mbi aktivitete futbollistike të organizuar nga FIGC, UEFA dhe FIFA.
Sa u përket dënimeve alternative, Fagioli duhet të marrë pjesë në një plan terapeutik që zgjat minimalisht 6 muaj dhe në një cikël prej të paktën 10 takimet publike, që të zhvillohet në harkun kohor prej 5 muajsh, pranë shoqatave sportive amatore, qendrave federale territoriale, qendra për rikuperimin ndaj varësisë ndaj kumarit, sipas udhëzimeve e programit të vendosur nga FIGC.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
