Largimi i Ousmane Dembeles do të ndodhi në një moment shumë kritik të Barcelonës , skuadër që nuk pranon të dorëzohet për Adama Traoren .
Katalanasit po i shqyrtojnë të gjitha opsionet në këtë fund merkatoje dhe spanjolli konsiderohet një garanci për të ardhmen .
Gjigandët e La Ligas po presin që kjo çështje të zgjidhet sa më parë dhe ta afrojnë sulmuesin me ‘’ Camp Noun ‘’ , e cila po vijon me ritmin e duhur dhe sipas ‘ Sport ‘ në parim duket sikur 26 vjeçari është pajtuar me këtë destinacion dhe ka shprehur se është gati të ulë pretendimet vetëm që ti vijë në ndihmë ‘’ Blaugranëve ‘’ për të vijuar drejt zgjidhjes së problemeve .
Ky operacion lidhet me largimin e francezit dhe synimi kryesor është vijimi i negociatave me Wolverhampton për huazimin e Adama Traores për të evituar rreth 30 milionët e përcaktuara nga anglezët për largimin e golashënuesit.
Karakteristikat e lojës së ishi-t të Middlesbrough preferohen shumë nga Xavi Hernandez , ndër të cilat spikasin shpërthimet e njëpasnjëshme dhe një aspekt fizik për tu duartrokitur , elementë që e kanë shëndërruar në një terror për çdo kundërshtar .
Një sulmues me këto parametra do të shkaktonte shumë entuziazëm për Barcelonën që kërkon t֝ë rifitojë protagonizmin në sezonin e ardhshëm por nëse nuk ndërhyhet fuqishëm në merkato , objektivat do të vihen në rrezik.
Fakti që e bën yllin e ‘’ Ujqërve ‘’ edhe më të preferuar është përshtatja në shumë pozicione dhe në Katalunjë shpresohet në transferimin e Adama Traores për të qetësuar situatën e agravuar e cila reflekton sezonin më të dobët të Barcelonës në vitet e fundit .
Për fatin e tij , Premier League ia ka hapur dyert drejt suksesit dhe ky moment konsiderohet i duhuri për ti shërbyer skuadrës ku u zhvillua në shenjë respekti dhe mirënjohje për mbështetjen që i dha në të kaluarën .
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
