E ardhmja e Franck Kessies tek Milani ka marrë një rrjedhë të paparashikuar dhe drejtuesit e kuqezinvje kanë nisur tratativat për ta zëvëndësuar në mënyrën e duhur mesfushorin . Lojtari nga Bregu i Fildishtë pretendohet nga Barcelona dhe Real Madridi të cilat do të zhvillojnë një tjetër ‘’ Superclasico ‘’ të zjarrtë .
Ishi i Atalantës i ka bërë shumë mirë detyrat dhe i është bindur ashtu siç duhet urdhërave të Stefano Piolit deri në arritjen në këtë stad i cili është plotësisht i merituar . Italianët nuk kanë ndjetur duarkryq përpara kësaj situate sepse kemi të bëjmë me një ndër nxënësit shembullorë të teknikut Italian dhe ia kanë vënë gishtin portugezit Renato Sanchez .
Informacionet e marra nga drejtori sportiv Paolo Maldini flasin me superlativa për yllin e Lilles dhe paraqitjet e bëra me francezët bindin .
Pavarësisht se ka patur një periudhë rënie prej shumë vitesh , Milani është zgjuar duke e rimarrë veten veçanërisht në Itali sepse në Champions League i mbetet akoma punë për arsye se konkurrenca vështirësohet me kalimin e kohës .
Nëse i referohemi 24 vjeçarit , duhet shtuar se ka pësuar disa luhatje në karrierë kryesisht tek Bayern Munchen ku s’mundi të lërë gjurmë ,por tashmë me këtë opsion i hapet automatikisht një tjetër derë për të vijuar karrierën .
Megjithatë s’duhet anashkaluar as kundërpërgjigjja e kampionëve në fuqi të Ligue 1 , të cilët natyrisht s’do të kërkojnë të prishin harmoninë brenda ekipit por duhet parë se deri ku e kanë limitin drejtuesit e Milanit në negociatat vijuese .
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
