Merkatoja e verës sigurisht si çdo tjetër do të jetë shumë e rëndësishme si për lojtarët ashtu edhe trainerët.
Një ndër protagonistët do të jetë Xabi Alonso i cili para pak ditësh i dha fund eksperiencës me Real Madridin.
Mirëpo pavarësisht kësaj periudhe jo të mirë cilësitë e ishi-t të Bayer Leverkusenit as që mund të vihen në diskutim, fakt i cili është shoqëruar me interesin e drejtuesve të Manchester City-t.
Cikli i Pep Guardiolas tek ‘’ Qytetarët ‘’ është drejt fundit dhe 44 vjeçari konsiderohet ideali për ta zëvëndësuar.
Nuk do të jetë aspak e lehtë për ta zëvëndësuar të famshmin ‘’ Pep ‘’ i cili ka lënë gjurmë tek çdo ekip por çdo fillim e ka edhe një fund.
Tek anglezët kërkohet transferimi i një traineri me prestigj dhe Xabi Alonso e ka treguar edhe në të shkuarën tek ‘’ Aspirinat ‘’ me të cilët fitoi Bundesligën, Kupën dhe Superkupën e Gjermanisë.
Por s’duhet harruar se edhe drejtuesit e Liverpoolit së fundmi kanë shprehur interesin për ta rikthyer në ‘’ Anfield Road ‘’, ç’ka e bën këtë sfidë edhe më interesante.
Do të jetë një duel shumë i luftuar për ish kampionin e Europës dhe botës me kombëtaren e ‘’ La Furia Rojas ‘’ i cili përfshihet në rangun e më të mirëve në kontinentin e vjetër.
Me kapacitetin që e karakterizon e ardhmja e Xabi Alonsos parashikohet tek një ekip elite dhe lista e pretendentëve mund të zgjerohet me kalimin e kohës.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
