Kosova ka mposhtur në miqësore San Marinon me rezultatin 4-1. “Dardanët” dhuruan spektakël nga fillimi në fund, duke mos e vënë për asnjë moment në dyshim fitoren. Lojtari i ndeshjes ishte padyshim, Vedat Muriqi.
Sulmuesi i Lazios shënoi të 4 golat e Kosovës, duke treguar se është në një formë të shkëlqyer. Paraqitje mbresëlënëse zhvilloi edhe Arbër Zeneli, i cili ka 3 asiste në 3 golat e parë të Muriqin, ndërkohë që goli i katërt erdhi me penallti.
Në ndeshjen e zhvilluar në stadiumin “Fadil Vokrri”, u pa qartë se pavarësisht se është fundi i kampionatit, lojtarët e Kosovës zotërojnë një formë të mirë, pavarësisht nivelit të dobët të kundërshtarit.
Vlen të theksohet se San Marino është në të njëjtin grup me Shqipërinë, për kualifikueset e Botërorit “Qatar 2022” dhe në ndeshje e zhvilluar në muajin mars, të besuarit e Rejës triumfuan 2-0.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
