Suedia e femrave është kualifikuar në gjysmëfinale në Lojërat Olimpike, të cilat janë duke u zhvilluar në Japoni.
Suedezet kanë triumfuar me shifrat 3-1 ndaj Japonisë, teksa një prej golave e shënoi edhe futbollistja shqiptare, Kosovare Asllani, e cila luan për Suedinë. Futbollistja 32-vjeçare, shënoi golin e tretë dhe të fundit për Suedinë, teksa shndërroi në gol një penallti të fituar nga ekipi i saj.
Ky është goli i parë për Asllanin në Lojërat Olimpike, teksa tashmë Suedia ka kaluar në gjysmëfinale, aty ku do të përballet me Australinë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
