Shqipëria do të organizojë Europianin U-17 në vitin 2025, teksa vendimi u mor në mbledhjen e Komitetit Ekzekutiv të UEFA-s.
Një arritje e madhe për Shqipërinë në futboll, që pas finales së Conference League, tashmë do të presë në kompeticion madhor.
Në aplikimin që FSHF kishte bërë, ishin katër stadiume. Ndeshjet e Europianit, do të zhvillohen në stadiumet “Air Albania”, “Loro Boriçi”, “Elbasan Arena” dhe “Egnatia Arena”.
Për pritjen e një kompeticioni të tillë gjithashtu kërkohen 8 qendra stërvitore me fusha me bar natyral, të cilat do të jenë në qarqet Tiranë e Durrës, për arsye të numrit të hoteleve me kushte specifike që kërkohen.
Më konkretisht fushat e ofruar për stërvitjen e ekipeve finaliste janë Shtëpia e Futbollit, stadiumi “Selman Stërmasi”, kompleksi “Skënder Halili”, stadiumi Kamza, stadiumi “Tofik Jashari”, kompleksi Tropikal, stadiumi “Niko Dovana” dhe stadiumi Luzi i Vogël.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
