Trajneri Ardi Behari, në emisionin “Skaner” në MCN TV, deklaroi se skuadrat e Superiores e mendojnë formulën e kampionatit, vetëm kur janë keq.
Behari deklaroi gjithashtu se klubet nuk e kanë luksin të largojnë lojtarë në janar.
Diferenca e vogël e pikëve, tregon atë që pasqyrohet në fushë. Skuadrat pas ndeshjeve që nuk shkojnë mirë, mendojnë për “Final 4”. Mendojnë vetëm për ndeshjen e radhës. Formulën e mendojnë vetëm kur nuk janë mirë.
Nuk besoj se shumica e skuadrave e kanë luksin të largojnë lojtarë në janar. Nuk e kanë organikën e plotë dhe e kanë të vështirë të gjejnë lojtar në janar. Nuk mund të thuash se Dodev është i keq, por nuk u përshtat. Nuk e di sa e ka luksin Vllaznia të largojë lojtarë, sepse në stol kanë lojtarë të rinj.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
