Manchester City ka arritur të finalizojë një marrëveshje shumë interesante . ‘’ Los Citiziens ‘’ prej kohësh ndiqnin me ngulm talentin e Fluminenses Metinho . Më në fund bardhekaltërit kanë dalë të fituar dhe do ta kenë në dispozicion për sezonin e ardhshëm . Sipas Goal News , operacioni për 18 vjeçarin është mbyllur vetëm për 5 milionë stërlina dhe do të jetë i lidhur me ‘’ Etihad Stadium ‘’ për 5 vite .
Kualiteti i shkëlqyer që ka treguar në kampionatin brazilian i cili karakterizohet nga një rivalitet shumë i madh ia kanë favorizuar të ardhmen mesfushorit të cilit do ti duhet të punojë fort për të demostruar se është i vlefshëm për elitën e futbollit europian .
Mbështetja për të do të jetë shumë e madhe sepse do të ketë privilegjin për tu drejtuar nga një prej teknikëve më të mirë në botë siç është Pep Guardiola.
Aspiratat e britanikëve pa dyshim gjithmonë janë të shkojnë sa më larg dhe Metinho i quajtur ndryshe si ‘’ Pogba i Brazilit ‘’ ka një shans shumë të madh për të vijuar karrierën. Futbolli amerikano- latin me atë europian kanë shumë diferenca por për talente të tillë çdo gjë bëhet më e lehtë sepse e tregojnë forcën që i karakterizon kudo ku luajnë .
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
