Sezoni aktual duket se do të jetë i fundit për Angel Di Marian në Europë.
‘’ El Fideo ‘’ sipas ‘ O Jogo ’ ka vendosur të rikthehet në vendlindje, tek Rosario Central.
35 vjeçari synon të lërë gjurmë dhe ta finalizojë karrierën tek ekipi argjentinas.
Ky lajm ka gjeneruar shumë entuziazëm tek drejtuesit e Rosario Central , të cilët janë të ndërgjegjshëm për potencialin e ishi-t të Manchester United.
Së fundmi, Angel Di Maria realizoi një ndër ëndërrat e fëmijërisë me fitimin e Botërorit në 2022- shin në Katar , madje duke rezultuar protagonist në finalen kundër Francës.
Besohet se marrëveshja do të arrihet në kohën e mbetur të merkatos së janarit pasi besohet se gjatë kësaj periudhe është momenti ideal.
Gjatë eksperiencës disavjeçare në futbollin më kompetitiv të botës, Angel Di Maria ishte pjesë e Benfikës, Real Madridit, Manchester United, Paris St Germain, Juventusit, për tu rikthyer më pas në ‘’ Estadio Da Luz ‘’.
Deri më tani nxënësi i Lionel Scalonit numëron 9 gola dhe 2 asiste në 21 sfida me kryeqytetasit, i cili mbetet një referent i padiskutueshëm edhe në kombëtaren ‘’ Albiceleste ‘’.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
