Tirana luan një ndeshje shumë të rëndësishme ditën e nesërme, teksa përballet me kundërshtarin më të afërt në renditje, Laçin.
Në prag të kësaj sfide, para mediave ka folur trajneri i bardhebluve, Orges Shehi. Ky i fundit vlerësoi kundërshtarin, por deklaroi se ajo e nesërmja nuk do të jetë një ndeshje vendimtare.
“Kampionati ka sfida të veçanta. Nesër është një duel që është një ndeshje e radhës, përballë një kundërshtari që është më i afërti në klasifikim. Përballje të tilla kanë brenda emocionin dhe përqendrimin.
Në kampionat, presioni i rezultatit është i pranishëm në çdo ndeshje pavarësisht se në çfarë vendi të renditjes është kundërshtari. Kampionati është i gjatë, pas kësaj na presin dhe shumë sfida dhe nuk është një ndeshje vendimtare edhe kështu e tregon renditja.
Laçi meriton respekt dhe është një ndeshje e rëndësishme. Ne do të futemi në fushë për të bërë më të mirën tonë. Çdo ndeshje është një provim dhe ky i nesërmi është një provim i radhës dhe në ndeshje të tilla kemi treguar që kemi qenë skuadër me mentalitetin e duhur për vazhdimësinë e kampionatit. Ne në përballjet direkte kemi fituar 2-0 dhe kemi humbur në minutë të fundit në Laç.”, u shpreh Shehi.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
