Leo Messi do të luajë këtë të shtunë, ndeshjen e fundit me fanellën e PSG-së. Kjo është konfirmuar nga vetë trajneri i kampionëve të Francës, Christophe Galtier.
Ky i fundit në konferencën për shtyp, deklaroi se për Messin do të jetë ndeshja e fundit me fanellën e PSG-së, të shtunën ndaj Clermont.
Kam pasur privilegjin të stërvis lojtarin më të mirë në historinë e futbollit. Të shtunën do të jetë ndeshja e fundit e tij në “Parc des Princes” dhe shpresoj të pritet në mënyrën më të mirë të mundshme.
Në këtë vit ka qenë një element i rëndësishëm. Nuk më duket e justifikuar asnjë kritikë. Me Kupën e Botës në mes, ai përfundoi sezonin me 21 gola dhe 20 asistime. Gjithmonë në shërbim të skuadrës dhe ishte një privilegj i madh ta shoqëroja gjatë sezonit.
Argjentinasit i përfundon kontrata këtë verë me PSG-në dhe duket se palët kanë vendosur të ndahen, duke mos e rinovuar atë. Tashmë e ardhmja e Messit nuk dihet se ku do të jetë, ndonëse interesimet nuk mungojnë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
