Orët e fundit Real Madridi ka marrë një goditje në lidhje me merkaton.
Alphonso Davies, një ndër objektivat kryesorë të ‘’ Galaktikëve ‘’ thuhet se është shumë afër rinovimit me Bayern Munchenin.
Kanadezi ndihet i lumtur në ‘’ Allianz Arena ‘’, i konsideruar një ndër më të mirët në pozicionin ku luan.
Ishi i Vancouver Whitecaps shquhet si një lojtar shpërthyes, tejet i shpejtë, i cili i vë në siklet gjithmonë kundërshtarët, sidomos në duelet një kundra një.
Kontrata e re me gjigandët e Bundesligës dhe jo vetëm parashikohet se do të firmoset deri në 2030-tën, fakt i cili i nxjerr nga loja kryeqytetasit.
Pritej ofensiva e drejtuesve sepse 24 vjeçari është një ndër më shembullorët në 11-shen e formuar nga Vincent Kompany dhe një tjetër aspekt që duhet marrë në konsideratë është se nëse do ti jepte fund eksperiencës me Bayern Munchenin, do të përforconte një rival të mundshëm në Champions League në vijimësi.
Hapi i ndërmarrë është një goditje për ‘’ Los Merengues ‘’, të cilët duhet të fokusohen tek të tjerë elementë gjatë ditëve të fundit të kësaj periudhe shumë të rëndësishme.
Eshtë viti i shtatë për Alphonso Davies në Mynih, një ndër lojtarët më të shpejtë në botë, i padiskutueshëm edhe tek Kanadaja.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
