Situata e vështirë ekonomike mbetet një ndër problemet më të mëdha të aktualitetit të Barcelonës . Megjithatë katalanasit nuk do të dorëzohen në asnjë moment pavarësisht gjendjes kaotike .
Largimit të Lionel Messit i është shtuar dyshimi për të ardhmen e teknikut Ronald Koeman por edhe pse këto fakte e përkeqësojnë imazhin e të ardhmes , spanjollët s’do të ndalen deri sa ta finalizojnë këtë histori të trishtë .
Situata e komplikuar ia ka shtuar përgjegjësitë drejtuesve të lideruar nga presidenti Joan Laporta po analizojnë rinovimin e Ousmane Dembeles . Francezi është një element thelbësor për mbarëvajtjen e ‘’ Blaugranëve ‘’ sidomos pas largimit të ‘’ La Pulgas ‘’ sepse ka marrë një përgjegjësi ndryshe në repartin ofensiv.
Kontrata e 24 vjeçarit përfundon në qershorin e 2022-shit por sipas Mundodeportivos Joan Laporta ka deklaruar se po tenton me çdo mënyrë qëndrimin e 24 vjeçarit në “ Camp Nou “ për shkak të rëndësisë në skemat e trainerit hollandez :
“ Jemi në negociata e sipër për ti vënë pikën kësaj çështje . Bisedimet me agjentin e tij po avancojnë me ritmin e duhur dhe në disa raste Ousmane ka shprehur se dëshiron qëndrimin . Nëse do të jetë në formën optimale dhe s’do të vuajë faktin e të qënit jashtë fushave mund të shëndërrohet në një referencë të padiskutueshme në ofensivë dhe me siguri do ta ndihmojë Barcelonën për të arritur objektivat ‘’, përfundoi manjati spanjoll .
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
