Mbingarkesa e Dani Carvajal në tërë këto vite , sigurisht e ka dobësuar paksa krahun e djathtë të mbrojtjes së ‘’ Galaktikëve ‘’ të cilët në shumë raste kanë provuar me Alvaro Odriozolan dhe Lucas Vazquez , lojtarë që nuk kanë dhënë rezultat .
Carlo Ancelotti ka theksuar se kjo situatë nuk mund të vijojë dhe pas hapit të bërë me Kylian Mbappen që praktikisht është një lojtar i spanjollëve dhe dëshirës së pareshtur për Aurelien Tchouamenin ,i ka shkelur syrin Nordi Mukieles së Leipzigut.
Francezi ka dhënë një kontribut të çmuar për gjermanët duke u klasifikuar ndër anësorët më të mirë dhe ‘’ Los Blancos ‘’ nuk do të gjejnë qetësi deri sa ta përforcojnë këtë repart.
Mosrinovimi me Leipzigun është një plus për Real Madridin për ta afruar 24 vjeçarin me ‘’ Santiago Bernabeun ‘’ dhe ti japin shansin unik të veshjes së kësaj bluze që peshon shumë.
Stili i lojës së ishi-t të Montpellier vijon të marrë duartrokitjet e njëpasnjëshme të liderit të stolit dhe kërkesa e tij është një urdhër për Florentino Perezin i cili mund të ndihet i sigurtë sepse 62 vjeçari mbetet një ndër teknikët më të spikatur në futboll.
Distancimi nga titujt vijon të jetë një shqetësim për ‘’ Los Merengues “ që janë drejt rindërtimit total , me synimin e dominimit përsëri në sportin më të ndjekur.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
