Trajneri Ardi Behari, analizoi në emisionin “Skaner” në MCN TV, fitoren 3-0 të Tiranës në gjysmëfinale ndaj Teutës.
Sipas tij, ndeshjen nuk e humbi Teuta, por e fitoi Tirana. Behari deklaroi se bardheblutë kanë fituar pjekurinë, për ta çuar ndeshjen, atje ku ata dëshirojnë.
Nuk mund të themi se Teuta është në momentin më të keq. Javën e fundit në kampionat, fituan dhe bindën me lojë. Nuk e pamë sot këtë Teutë. Tirana u kujdes shumë për izolimin.
Tirana është ajo Tiranë, pragmatiste dhe racionale. Nuk e humbi Teuta ndeshjen, por e fitoi Tirana. Nuk humbën kohë në prapavijë kur kishte presing lart. Dilnin me topin dhe digjnin linjën me një pasim. Nuk i jepte mundësinë Teutës që të bënin presion te mbrojtësit.
Kjo është zotësi e Tiranës, që luan me lojtarët midis linjave dhe del e shfrytëzon individin. Bardheblutë i kanë individët për të zgjidhur ndeshjen dhe pastaj gjëja vete aty ku do Tirana ta çojë. Tirana ka pjekurinë që ta çojë ndeshjen atje ku dëshiron.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
