Manchester United ka emëruar ish-lojtarin e saj Ole Gunnar Solskjaer si trajner të skuadrës së tyre deri në fund të sezonit.
Solskjaer do të zëvendësojë në këtë detyrë trajnerin porguez Jose Mourinho i cili u shkarkuar nga drejtuesit e Manchester United një ditë më parë për shkak te ecurisë së dobët të “Djajve të Kuq”.
Trajneri norvegjez ka kaluar 11 sezone në Old Trafford me fanellën e Manchester United, duke shënuar golin e fitores në finalen e Ligës së Kampioneve të vitit 1999.
"Manchester United është në zemrën time dhe është e shkëlqyer të kthehesh në këtë rol. Kjo është një mundësi që duhej ta merrja. Unë mezor po pres për të nisur punën me skuadrën e cila ka shumë lojtarë të talentuar me një staf dhe një në klub profesionist", ishin fjalët e para të Solskjaer si trajner i United.
Ish-sulmuesi 46-vjeçar ka luajtur 366 ndeshje me United, duke shënuar 126 gola në 12 vite karrierë, para se të tërhiqej nga futbolli i luajtur në vitin 2008. Me Norvegjinë Solskjaer ka shënuar 23 gola në 67 ndeshje.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
