Red Bull Salzburgu prej vitesh është karakterizuar si një prodhues talentësh , fakt që e provoi edhe me Erling Haaland , për të cilin pothuajse çdo ekip i elitës ëndërron ta ketë në përbërje.
18 vjeçari Benjamin Sesko vijon të jetë risi tek austriakët dhe shumë shpejt ka impresionuar Bayern Munchen .
Dyert e ‘’ Allianz Arenas ‘’ tashmë janë hapur për quajturin ndryshe trashëgimtarin e Robert Lewandowskit që do ti japë shumë shpejt fund eksperiencës në Bavari dhe gjasat janë se do të firmosë për Barcelonën .
Largimi i polakut do të shkaktojë një boshllëk të madh në ofensivën e gjermanëve dhe Benjamin Sesko do të ketë një shans që zor se të vjen shumë herë në karrierë.
Me Julian Nagelsmann praktikisht të larguar , Bayern Munchen do të përfshihet totalisht në merkato për të hedhur pas krahëve peripecitë e kohëve të fundit dhe me eksperiencën e madhe mbi supe sigurisht do të hapë një tjetër derë me objektivin e akumulimit të titujve, me Champions Leaguen si prioritet absolut.
Benjamin Sesko karakterizohet nga komponentë mbresëlënës , si përshembull gjatësia që e favorizon në dyluftimet me kundërshtarët dhe një fizik shumë potent i cili e ndihmon për të qenë efikas në zonën e rreptësisë , fakt që e ka konfirmuar me 9 gola dhe dy asiste në 30 sfidat e deritanishme.
Bayerni tashmë e ka bërë zgjedhjen dhe topi do të jetë në anën e drejtuesve të Salzburgut sepse do ti duhet të vendosin mbi këtë lojtar që e ka shtuar entuziazmin në ‘’ Red Bull Arena ‘’.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
