Cristiano Ronaldo bëri një lëvizje të bujshme në merkaton e verës, teksa u largua nga skuadra e Juventusit, për t’u rikthyer te Manchester United.
Pas rikthimit në Angli, Ronaldo u vendos në një shtëpi, e cila vlen 6 milionë paund, nga e cila tashmë ka vendosur të largohet. Shkak për këtë, është bërë një tufë delesh, të cilat kullosin aty afër që herët në mëngjes.
Zhurma e deleve ka prishur qetësinë e futbollistit, duke mos e lënë të flejë dhe tashmë ka vendosur të ndryshojë shtëpi. Sipas “The Sun”, Ronaldo është larguar nga shtëpia me vlerë 6 milionë paund dhe ka kaluar në një tjetër shtëpi me vlerë 3 milionë paund. Së bashku me Ronaldon janë larguar edhe familjarët e tij, Georgina Rogridez dhe katër fëmijët e tyre.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
