Pas transferimeve të Leandro Paredes, Denis Zakaria apo Paul Pogba, drejtuesit e Juventusit janë të ndërgjegjshëm se duhet të shtojnë përpjekjet në merkaton e ardhshme verore për t'u rikthyer tek titujt.
Fiksimi i Massimiliano Allegrit me Milinkovic-Savic, i ka detyruar juventinët të ofrojnë afërsisht 80 milionë euro për mesfushorin, shifër e cila akoma është larg peticionit të Caludio Lotittos prej 100 milionë eurosh.
"Zonja e Vjetër" duhet të përshpejtojë në arritjen e këtij akordi sepse Real Madridi dhe Milani janë prapa dere dhe konsiderohen një kërcënim për ish-rekordmenët e Scudettos.
Fillimi jo i mirë i sezonit u reflektua edhe tek eleminimi nga grupet e Champions Leagues duke vënë në dyshim të ardhmen e kësaj skuadre, por gjithsesi Massimiliano Allegri shquhet për eksperiencën e gjatë nën drejtimin e Juventusit dhe parashikohet se italianët do ta lënë shumë shpejt pas këtë periudhë të vështirë.
27-vjeçari konsiderohet një ndër më të mirët e lacialëve dhe gjithashtu të kampionatit italian dhe sigurisht parashikohet se do të jetë një ndër protagonistët e merkatos së verës pasi prej kohësh ndiqet nga ekipet e elitës.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
