Infatino: Do të kërkojmë që në çdo vend të botës të ketë një stadium me emrin e Pele

Këtë të hënë, në stadiumin “Vila Belmiro” në Sao Paolo, u mbajtën homazhe, për ndarjen nga jeta të legjendës së futbollit, Pele. 

Të shumtë ishin personat e pranishëm, teksa nuk munguan personalitete të njohur nga e gjithë bota. Një ndër ta ishte edhe presidenti i FIFA-s, Gianni Infantino. Ky i fundit bëri edhe një propozim interesant, ku tha se do të kërkojë që në çdo vend të botës, të ketë një stadium me emrin e Pele. 

Jam këtu me shumë emocione dhe trishtim, por edhe me një buzëqeshje, sepse Pelé na ka dhënë kaq shumë. Ashtu si FIFA, ne jemi këtu për t’i bërë homazhe “Mbretit” dhe kemi rënë dakord që në të gjithë botën të mbahet një minutë heshtje. Tani ne do të kërkojmë që të gjitha vendet e botës të kenë një stadium me emrin Pelé, në mënyrë që edhe fëmijët të kuptojnë se çfarë bëri ai për futbollin.