Goga Basket fiton për herë të parë në historinë e saj trofeun e Kupës së Shqipërisë.
Lojtarët e trajnerit, Afrim Bilali, munden në ndeshjen finale të zhvilluar në sallën “Feti Borova” Vllazninë e Shkodrës me rezultatin 80-70.
Shkodranët udhëhoqën dy periodat e para duke shkuar deri në 10 pikë diferencë.
Reagimi i lojtarëve të Gogës erdhi në dy periodat e fundit dhe triumfuan duke i bërë një hapje fantastike vitit 2020.
Pas titullit kampion të fituar në edicionin e fundit, ky trofe i fituar tregon se për momentin ata janë skuadra më e fortë.
Pas ndeshjes, Alban Xhaferi, president i Vllaznisë, tha për TvT se mbeti i kënaqur nga loja e skuadrës dhe lufta do të vijojë më e fortë në kampionat.
Ndërsa trajneri Bilali theksoi se me grupin e lojtarëve që ka në dispozicion nuk e mendonte për asnjë moment humbjen.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
