Roma, tjetër goditje në merkato

Në orët e fundit drejtuesit e Romës kanë arritur një tjetër marrëveshje në merkaton verore.

Për të parën herë në historinë e Serisë A një lojtar nga Arabia Saudite i është bashkuar kësaj lige.

Saud Abdulhamid ka firmosur me ‘’ Verdhekuqtë ‘’ por lajmi ende nuk është bërë zyrtar. 

Mbrojtësi ishte pjesë e Al- Hilal dhe Al- Ittihad, i cili për të parën herë në karrierë i bashkohet një ekipi me shumë histori, sidomos në Itali.

Edhe me kombëtaren 25 vjeçari nga Yeda është grumbulluar rregullisht nga Roberto Mancini, i cili në sezonin e shkuar me ekipin e tij u aktivizua në 46 sfida, shënoi 3 gola dhe shërbeu me 8 asiste.

Ky transferim i ka kushtuar presidentit Dan Friedkin 2.5 milionë euro dhe traineri Daniele de Rossi do ta ketë në dispozicion bashkë me turkun Zeki Çelik.

Largimi i Rick Karsdorp nga ‘’ Olimpico ‘’ sigurisht i përshpejtoi lëvizjet e drejtuesve dhe nëse i referohemi Saud Abudulhamid, duhet theksuar se do të jetë i gatshëm për supersfidën e kësaj fundjave të cilën Roma do ta zhvillojë kundër Juventusit në ‘’ Allianz Stadium ‘’.