Interi drejt shitjes

Pas zërave të njëpasnjëshëm që lidheshin me shitjen e Interit , duket se kjo çështje është në prag të përfundimit.

Fondi  Pif me origjinë nga Arabia Saudite i ka bërë një ofertë praktikisht të parefuzueshme italianëve e cila arrin 1 miliardë e 400 milionë euro.

Duke iu referuar situatës delikate të grupit Suning , sipas ‘ As ‘ akordi mund të finalizohet gjatë javës vijuese, me anë të cilit Interi do të ketë shansin për tu shëndërruar në një ndër ekipet më potente gjatë viteve të ardhshme.

 Sigurisht shfaqja në skenë e këtij fondi shkakton automatikisht një revolucion rrënjësor tek skuadra nga Milano dhe të bën të mendosh se do të jetë një ndër protagonistet kryesore në merkatot e ardhshme dhe sigurisht do ti japë më tepër avantazhe të besuarve të Simone Inzaghit për të ndryshuar rrjedhën e ngjarjeve si në Itali ashtu edhe në kontinentin e vjetër .