Laçi ka marrë një fitore të rëndësishme në sfidën e zhvilluar në “Selman Stermasi” përballë skuadrës kampione të Shqipërisë, Skënderbeu.
Kurbinasit fituan me meritë përballë korçarëve me rezultatin e pastër 2-0 duke dhuruar një 90-minutësh mjaft të bukur.
Autorët e golave të fitores për skuadrën e Laçit ishin Shtubina që vijon formën e tij spektakolare me fanellën bardhezi dhe Gjoni që vulosi shifrat në 2-0.
Me këtë tre pikësh Laçi renditet në vendin e tretë në tabelën e klasifikimit me 22-pikë, ndërsa Skënderbeu zbret në vendin e dytë me 26-pikë pasi skuadra që ngjitet në vend të parë është Partizani.
Të kuqtë e drejtuar nga trajneri Skënder Gega fituan me mjaft vështirësi në transfertë përballë skuadrës së vendit të fundit Kastriotit.
Dopieta e shënuar nga Jurgen Bardhi i dha tre pikët e arta skuadrës së Partizanit që kryeson me meritë e vetme Kategorinë Superiore.
Ndërkohë, për tu vlersuar loja e skuadrës së Kastriotit që pas shënimit të golit me anë të Roxher arriti që ta vinte në vështirësi Partizanin deri në minutën e fundit të ndeshjes.
Një tre pikësh spektkolar mori dhe Teuta në trasnfertë përballë ekipit të Kamzës.
Bregdertarët morën një tjetër fitore me përmbysje duke konfirmuar formën e mirë që po kalojnë.
Vendasit shënuan të parët me anë të Bonani, por Teuta reagoi mjaft mirë me anë të Latif, Prognit dhe Beqajt duke vulosur shifrat në 1-3.
Tashmë Teuta renditet në vendin e katërt me 21-pikë, ndërsa Kamza në vendin e 9-të me tetë pikë.
Java e 12-të mbyllen me ndeshjen e fundit që do të luhet në orën 17:00 me Flamurtarit dhe Luftëtarit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
