Trajneri i Skënderbeut, Ivan Gvozdenovic, foli për MCN TV, pas ndeshjes, ku skuadra e tij u mposht minimalisht nga Partizani.
Gvozdenovic, deklaroi se për mënyrën si shkoi ndeshja, ekipi i tij meritonte barazimin.
Për mendimin tim, sot ishte një ndeshje për barazim. Nuk them që Partizani meritonte fitoren, por i uroj për këtë fitore. Pjesa e parë ishte mirë, por në 20 minutat e fundit të ndeshjes Partizani bëri presion. Ne nuk reaguam mirë. Kishim shans të mirë me Rashicën për të shënuar, por ky është futbolli. Nuk i pash rezultatet e tjera pas ndeshjes. Gjithçka është e hapur për ‘Final 4’. Vjen Laçi shumë shpejt dhe më pas kundër Vllaznisë në Shkodër. Do shohim javë pas jave.
Në minutat e fundit kishim problem topat e gjatë të Partizanit. Ata krijuan me një pasim, me një aksion të bukur, por kjo është pjesë e futbollit. Mund të reagonim më mirë te momenti i golit. Jemi mërzitur, por për mua kjo ishte ndeshje për barazim. Edhe me 1 pikë do ishim të kënaqur, por uroj Partizanin për fitoren. Jemi në lojë për Final 4, do të luftojmë fort deri në fund. Kemi rrugë për Korçë. Të mërkurën kemi Laçin dhe duhet të përgatitemi mirë dhe do të luftojmë deri në fund.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
