Juventusi rrezikon përjashtimin nga kupat e Europës. Sipas “La Gazzetta dello Sport”, UEFA po zhvillon një hetim për bardhezinjtë, për mashtrim në lidhje me të ardhurat e klubit.
Hetimi i UEFA-s, po zhvillohet paralelisht me atë të gjykatës italiane dhe në rast se kjo e fundit nuk ka një vendim deri në korrik, atëherë institucioni më i rëndësishëm i futbollit në Europë, do të dënojë klubin nga Torino.
Shpresa e vetme e organit europian është që vendimi i Italisë mund të arrijë deri në fund të qershorit dhe një marrëveshje për pranimin e fajësisë mund t’i shpejtonte gjërat. Nëse drejtësia italiane ecën ngadalë, atëherë do të vendosë komisioni i “Fair Play” të UEFA-s.
Kujtojmë se Juventusit pak ditë më parë iu rikthyen 15 pikët e hequra për plusvalencat, duke e kthyer skuadrën në garë për një vend në Champions, por UEFA mund të japë një tjetër goditje për bardhezinjtë, që rrezikojnë përjashtim për një vit nga kompeticionet europiane.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
