Dybala është rikthyer në fushën e lojës, së bashku me golin.
Ka mjaftuar një gol i sulmuesit argjentinas në "frymën e fundit" përballë Lazio që i ka mjaftuar Juventusit për të marrë 3 pikë të rëndësishme në transfertën e Romës.
Bardhezijtë mundën minimalisht 1-0 Lazio dhe goli i vetëm i takimit u shënua nga argjentinasi Dybala, i cili shënoi vetëm 20 sekonda para fishkëllimës së trefishtë të kryesorit Banti.
Një sfidë e luftuar nga të dyja skuadrat, por 120 minutëshi i luajtur në gjysmëfinalen e Kupës së Italisë përballë Milanit duket se i kushtoj Lazio-s, me të besuarit e Simone Inzaghi që vetëm prisnin mbylljen e takimit. Por kur gjithçka u duk se do të mbyllej në paqe, ishte argjentinasi Dybala që prishi ekuilibrat.
24 vjeçari mori një aksion individual dhe pasi i rezistoj ndërhyrjes së Lucas Leiva lëshoj një të majtë që u stampua në trekëndëshin e portës së mbrojtur nga Strakosha.
Me këtë fitore bardhezinjtë janë hakmarrë ndaj Lazios për atë humbje të fazës së parë. Që prej 9 dhjetorit të vitit të kaluar, Juventusi koleksionon vetëm fitore në Serie A dhe kjo ndaj Lazios ishte e dhjeta radhazi.
Pas kësaj fitoreje, skuadra e teknikut Alegri pret e qetë rezultatin e takimit së orës 20:45 mes Napolit dhe Romës, Kjo fitore i pozicionon të dytët, -1 nga napoletanët dhe 1 ndeshje të prapambetur, pikërisht atë ndaj Atalantës.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
