Presidenti Ilir Meta ka nderuar sot sportistet Elisabeta Karabolli, Diana Mata, Emanuela Kola, Ermira Dingu e Lindita Zeqo për rezultatet në Kampionatet Europiane.
“Kënaqësi e veçantë të nderoj personalitete kaq të shquara të sportit të qitjes, zonjat e nderuara Elisabeta Karabolli, Diana Mata, Emanuela Kola, Ermira Dingu e Lindita Zeqo, të cilat në një periudhë izolimi dhe mjaft të vështirë të Shqipërisë, falë rezultateve të larta dhe arritjeve të jashtëzakonshme, e ngritën Flamurin Kombëtar mbi flamujt e tjerë në Kampionatet Europiane, duke u shndërruar në burim të përhershëm krenarie kombëtare dhe zgjimi vetëbesimi, për të qenë të parët, jo vetëm në sport por në të gjitha fushat e jetës”, shprehet Meta.
Po ashtu Meta shton se “me punën, talentin dhe rezultatet e larta, ato kanë kontribuar edhe në rritjen e imazhit të vajzës dhe të gruas shqiptare, duke e çuar atë në podiumet më të rëndësishme të sportit botëror. Sporti i qitjes ka qenë e vazhdon të mbetet një nga krenaritë më të mëdha dhe më të larta të sportit shqiptar”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
