Prej shumë sezonesh Borussia Dortmundi nuk ka mundur të gjejë dot taktikat e duhura për të luftuar për fitimin e Bundesligës , kampionat të cilin Bayern Munchen e ka dominuar totalisht duke regjistruar gjithashtu një rekord historik .
Por ‘’ Verdhezinjtë ‘’ nuk pranojnë të dorëzohen dhe i mbajnë të ndezura shpresat për të ulur nga froni bavarezët dhe do ti përqëndrojnë forcat në merkato . Gjermanët janë ndalur në Spanjë , tek Reali dhe Barcelona .
Objektivi kryesor është Ter Stegen . Gjermani ka humbur shumë pikë tek katalanasit dhe drejtuesit e Borussia Dortmundit e konsiderojnë zëvëndësuesin ideal të Roman Burkit . Me 29 vite mbi supe dhe një eksperiencë për tu vlerësuar , nuk përjashtohet mundësia për tu ripërshëndetur me Bundesligën .
Pas tij është Luka Jovic . Serbi e njeh shumë mirë këtë kampionat sepse kaloi momente të mrekullueshme tek Frankfurti dhe më pas vendosi për Real Madridin . Megjithatë ‘’ Santiago Bernabeu ‘’ nuk i ka sjellur fat 24 vjeçarit sepse është aktivizuar shumë pak nga Carlo Ancelotti duke ia bërë gati të pamundur vijimin me ‘’ Galaktikët ‘’.
Prioriteti i tyre është rikthimi në skuadrën e dikurshme dhe për këtë objektiv kanë vënë prej kohësh në shënjestër Erling Haaland për të cilin lufton gjysma e Europës. Lista mbyllet me Riqui Puig .
Mesfushori nuk ka mundur të avancojë fillimisht me Ronald Koeman në stol dhe aktualisht me Xavi Hernandez. Spanjolli vijon të jetë i paqartë për të ardhmen në Katalunjë dhe opsioni që po analizon Barcelona është huazimi i 22 vjeçarit.
Meqenëse nuk ka gjetur hapësirat e nevojshme tek gjigandët e La Ligas , transferimi në ‘’ Signal Iduna Park ‘’ mund të jetë zgjidhja për të ardhmen e Riqui Puig sidomos duke ditur se ajo e Jude Bellingham mbetet skeptike .
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
