Merkatoja e verës rezultoi shumë e vrullshme dhe me të papritura . E tillë ishte edhe për mesfushorin Marco Asensio i cili preferoi ti qëndrojë besnik Real Madridit . Spanjolli u tentua nga Tottenhami dhe Milani por më kot sepse sipas ‘ Marcas ‘ pretendon fitimin e një vendi titullari në skemat e Carlo Ancelottit tek një skuadër ku kërkesa e llogarisë është nga më të lartat . ‘’ Gjelat e Londrës ‘’ dhe kuqezinjtë kërkonin me çdo kusht një lojtar kreativ për ti dhënë më shumë frymëmarrje repartit të mesfushës por si përfundim nuk mundën ta bindnin 25 vjeçarin për largimin nga ‘’ Los Merengues ‘’.
Megjithatë sipas prestigjozes spanjolle traineri italian është shprehur i gatshëm ti japë shansin ishi-t të Espanyol për të rikuperuar vlerat e humbura tek ‘’ Galaktikët ‘’ sepse siç dihet botërisht përgjatë viteve është shoqëruar nga sukseset e shumta por historia ka marrë një tjetër rrjedhë .
Lojtari i lindur në Mallorca duhet të sakrifikojë shumë për të fituar vendin e titullarit sepse do të luftojë kokë më kokë me komponentë të rëndësishëm të kryeqytetasve si Eden Hazard , Vinicius Juniors , Benzema dhe Gareth Bale .
Natyrisht në një skuadër kampionësh një konkurrencë e tillë është një indikator për sukseset e ardhshme të Real Madridit . Deri më tani Marco Asensio numëron vetëm 3 prezenca me ‘’ Los Blancos ‘’ por duke njohur potencialin e tij me siguri javët e ardhshme do të flasin ndryshe për talentin e madrilenëve .
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
