Pas episodeve të trishta të javëve të fundit, ndër të cilat predominon eleminimi nga Champions League , drejtuesit e Manchester United kanë përveshur mëngët dhe janë fokusuar tek e ardhmja .
Me rëndësi për tu përmendur është se po luftohet fort për qëndrimin e lojtarëve të rëndësishëm në ‘’ Old Trafford ‘’ dhe protagonisti në këtë rast është Bruno Fernandes .
Me portugezin në fushë loja e ‘’ Djajëve të Kuq ‘’ merr një tjetër kuptim pavarësisht rezultateve zhgënjyese dhe anglezët tashmë i kanë vendosur pikat mbi i në lidhje me rinovimin me mesfushorin i cili pritet të zyrtarizohet ditën e premte .
Qëndrimi në ‘’ Pallatin e Endërrave ‘’ do të zgjasë deri në 2027-tën sepse që nga mbërritja tek 20 herë kampionët e Premier Leagues, Bruno Fernandes jo vetëm që e ka justifikuar investimin 60 milionë eurosh por shumë shpejt u shëndërrua në një lider duke gëzuar çdo komponent të këtij klubi të cilët qëlluan në shenjë duke ia rrëmbyer Sportingut të Lisbonës.
Spekullimet janë të shumta në lidhje me përfitimin e Bruno Fernandes që do ti afrohet 240 mijë stërlinave në javë, rrogë që do ta shëndërrojë në një ndër më të paguarit tek Manchester United.
Pavarësisht tronditjeve, firmosja e këtij akordi konsiderohet një frymëmarrje për këtë skuadër që e ka humbur rrugën sepse Ralf Rangnick i ka shkaktuar shumë fatkeqësi por orët e gjermanit në pankinë janë drejt sosjes dhe shpresa vijon të jetë kryefjala e përditshmërisë për një ekip që kërkon të jetë lider në të ardhmen.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
