Arian Bellai nuk është më trajner i Bylisit. Ka qenë vetë klubi ballshiot, që nëpërmjet një komunikate, bën të ditur, mbylljen e bashkëpunimit me 51-vjeçarin.
Shkak për këtë, janë bërë rezultatet aspak pozitive, që Bylisi ka regjistruar në javët e fundit të kampionatit.
Drejtuesit nuk kanë humbur kohë dhe menjëherë kanë zgjedhur trajnerin e ri. Drejtimi i skuadrës i është besuar Naxhi Shensoi, një trajner që ka drejtuar edhe më parë Bylisin, madje duke mbërritur deri në finalen e Kupës së Shqipërisë (2013).
KOMUNIKATA E KLUBIT:
Klubi ballshiot dhe trajneri Arian Bellai, nisur edhe nga ecuria jo e mirë e ekipit javët e fundit dhe mospasja e rezultateve pozitive, në ndeshjet në shtëpi dhe transfertë, kanë gjetur mirëkuptimin për ta mbyllur me marrëveshje bashkëpunimin.
FK Bylis dhe presidenti Besnik Kapllanaj i shprehin mirënjohje trajnerit Arian Bellai për bashkëpunimin, duke i uruar njëkohësisht edhe suksese në vijimin e karrierës së tij.
Ndërkohë vetë presidenti Besnik Kapllanaj konfirmon rikthimin në Ballsh të trajnerit Naxhi Shensoi, një njohje e vjetër në Mallakastër! Nga nesër, trajneri i ri fillon punën me ekipin.
Faleminderit Arian Bellai!
Mirësevjen Naxhi Shensoi!
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
