Merkatoja e janarit po pritet me emocione nga ekipet e elitës.
Barcelona është një ndër më aktivet pasi prej disa kohësh nuk njeh suksese në aspektin e fitimit të trofeve dhe kjo situatë domosdoshmërisht meriton reagim të menjëhershëm nga ana e drejtuesve .
Tentativa për Martin Zubimendin konsiderohet një vështirësi më vete për arsye të rinovimit me Real Sociedadin , sipas ‘ Mundodeportivos ‘.
Gjithsesi për të zëvëndësuar Sergio Busquets do të jetë shumë e vështirë dhe tanimë ‘’ Los Cules ‘’ janë fokusuar tek Ruben Neves i Wolverhampton.
Portugezi e përfundon kontratën me ‘’ Ujqërit ‘’ në 2024-tën por me paraqitjet e bëra e ka bindur Xavi Hernandezin .
Parashikohet një merkato shumë emocionuese dhe prej kohësh në ‘’ Camp Nou ‘’ po qarkullojnë emra si Messi, Inigo Martinez , Asensio dhe Skriniar , lojtarë shumë cilësorë por s’përjashtohet edhe largimi i mundshëm i qëndëmbrojtësit Gerard Pique, i cili pretendohet në Major League Soccer.
Barcelona sigurisht do ta ketë shumë të vështirë pjesën e mbetur të sezonit dhe situata aktuale e konfirmon këtë fakt pasi pavarësisht se nxënësit e Xavi Hernandezit kryesojnë La Ligan , janë shumë afër eleminimit nga faza e grupeve në Champions League.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
