Sergio Busquets ka vendosur të largohet nga skuadra e Barcelonës, pjesë e të cilëve është prej 15 vitesh.
Nëpërmjet një postimi në rrjetet sociale, mesfushori ka njoftuar largimin nga skuadra e Barcelonës, pas përfundimit të këtij sezoni.
Do të bëhem tifoz dhe anëtar, të jesh tifoz i Barcelonës është gjëja më e mirë që ekziston. Ka qenë një nder, një ëndërr dhe një krenari të jem në gjendje të mbroja këtë stemë, por gjithçka ka një pikë përfundimtare. Nuk ka qenë një vendim i lehtë, por ka ardhur koha.
Busquets i skadon kontrata me Barcelonën më 30 qershor dhe ka vendosur të mos rinovojë, duke u larguar si lojtar i lirë.
Sipas mediave spanjolle, mesfushori e kishte menduar prej kohësh largimin, por vetëm këtë të martë ia ka komunikuar drejtuesve dhe pjesës tjetër të skuadrës, ndërsa sot u bë edhe komunikimi zyrtar.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
