Bosi i Real Madridit Florentino Perez vijon në ndërmarrjen e të gjitha aksioneve të nevojshme për transferimin e sulmuesit Erling Haaland në ‘’ Santiago Bernabeu ‘’. Norvegjezi sa vjen edhe e rrit rendimentin dhe i tundon akoma më shumë madrilenët për ta patur në gjirin e tyre . Manjati spanjoll e ka deklaruar si prioritetin e merkatos së ardhshme dhe sipas ‘’ ElBernabeu ‘’ kryeqytetasit janë favoritët kryesorë për 21 vjeçarin pavarësisht se për golashënuesin luftojnë fort kandidatë nga Premier League , Paris St Germain dhe Bayern Munich .
Në lidhje me transferimet e ardhshme ‘’ Los Merengues ‘’ i mbajnë të ndezura shpresat se do të firmosin përfundimisht me Kylian Mbappen i cili është drejt përfundimit të kontratës me ‘’ Les Pariziens ‘’ dhe kanë menduar të investojnë edhe për shtatlartin e Borussia Dortmundit.
Duhet evidentuar se klauzola e prishjes së kontratës në verën e 2022-shit do të kapë 75 milionë eurot , shifër e përballueshme nga arkat e Real Madridit por duhet parë se çfarë kërkesash do të kenë palët e përfshira si agjenti Mino Raiola dhe babai Erling Haaland .
Para disa kohësh agjenti italian theksoi se do të kërkojë 40 milionë euro për klientin e tij , shumë për të cilën Florentino Perez duhet të bëjë një sacrificë dhe ti vërë një tjetër yll në dispozicion Carlo Ancelottit .
Megjithatë sfida për Real Madridin sapo ka filluar sepse për të arritur tek perla e Borussia Dortmundit duhet të mposhtin konkurrentët si Manchester City, Manchester United apo Chelsea , skuadra të cilat pretendojnë ti vënë në vështirësi spanjollët.
Erling Haaland mbetet një pikë referimi në skuadrën e Edin Terzic dhe deri më tani ka shënuar 6 gola të cilat i ka shoqëruar me 2 asiste në 5 ndeshjet e para të sezonit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
