Drejtori sportiv i skuadrës së Lazios, Igli Tare, ka hedhur poshtë cdo mundësi për një largim të mundshëm të bomberit të skuadrës së tyre Ciro Immobile nga klubi Italian.
Igli Tare në një prononcim për mediat është shprehur se Immobile do të qëndrojë tek bardhekaltërit deri në fund të kontratës së tij e cila I skandon në vitin 2023.
“Ciro Immobile nuk do të largohet nga Lazio. Ai ka rinovuar kontratën deri në vitin 2023 dhe do të qëndrojë me shumë kënaqësi te ne.“70 milionë për Immobilen? Nuk na ka ardhur asnjë ofertë e tillë për këtë futbollist dhe nuk kemi patur kontakte me asnjë klub. Ai ndihet shumë i lumtur te Lazio, sepse është në qendër të projektit tonë”, tha Tare.
Immobile është duke zhvilluar një sezon të jashtëzakonshëm me Lazion duke qenë një nga golashënuesit më të mirë në kampionatin Italian deri tani.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
