Trajneri i Kastriotit, Ramadan Ndreu, foli për MCN TV, pas ndeshjes ku skuadra e tij barazoi 2-2 ndaj Elbasanit.
Ai tha se nuk e kuptoi pse nuk u përdor VAR-i, duke shtuar se një episod e vendos ndeshjen. Sipas Ndreut, Kastriotit i duhen pikët, por edhe barazimi ndaj Elbasanit, i kënaq.
Në pjesën e parë, nuk ishim në ritmin e duhur. Nuk u ambientuam me fushën. Ishte një fushë jo e mirë për të luajtur shpejtë. Na penalizoi pak. I falëm golin kundërshtarit për shkak të kësaj. E rëndësishme është që reaguam në pjesën e dytë, duke i dhënë përparësi lojtarëve të krahut.
Nuk jam i sigurt për golin e tretë të shënuar. Në këto ndeshje të rëndësishme, është thënë që mund të përdoret VAR-i. Nuk e di pse nuk u përdor. U transmetua si ndeshje, por VAR-i nuk ishte. Me një moment të dyshimtë humb ndeshjen. Ishte një sfidë e vështirë, ndaj kryesuesve. Pikët na duhen, por edhe me barazimin jemi të kënaqur.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
