U luajtën ditën e sotme dy ndeshjet, të vlefshme për çerekfinalen e Kupës së Shqipërisë.
Në Rrogozhinë, sfida mes Egnatias dhe Laçit u mbyll në barazim 1-1. Një ndeshje e barabartë nga të dyja skuadrat, që patën disa raste për të kaluar në avantazh, pas dy golave të parë, por pa sukses.
Ishin kurbinasit që kaluan të parët në avantazh me Shehun në minutën e 17-të, por vetëm 5 minuta më vonë, skuadra e Ramadanit vendosi baraspeshën me Maganin. Kualifikimi do të vendoset në ndeshjen e kthimit që do të luhet më 9 shkurt në Laç.
Vllaznia mori një fitore të rëndësishme në Vlorë, teksa mposhti 2-1 Flamurtarin. Shkodranët iu falën dy golave të Mustedanagic, duke hedhur një hap drejt kualifikimit për në gjysmëfinale. Golin e vetëm për Flamurtarin e shënoi Oliveira në minutën e 75.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
