Kapiteni i Kombëtares Elseid Hysaj pavarësisht se ndodhet në merkato dhe në skadencë kontrate po bën mirë me ekipin e Napolit në këtë fillim sezoni të ri. Madjë në ndeshjen e fundit të fituar me shifrat 6-0 në Seria A kundër Genoa-s dha edhe një asist.
Për performancën e tij ka folur së fundmi në Itali edhe trajneri i Kombëtares Edy Reja, i cili Napolin e ka drejtuar nga sezoni 2005-2009. Reja thotë se ka vënë re që Hysaj luan më mirë në krahun e djathtë e majtë të mbrojtjes se sa në të djathtin ku është edhe roli i tij natyral. Më tej trajneri i Kombëtares shton se ‘e komplimenton më shumë se një herë Hysajn për atë që po jep në fushë’.
“Çfarë do t’i sugjeroja Gatuzos? Loja me 4 sulmues është pak e vështirë, madje dhe kur ata sakrifikojnë veten e tyre. Janë 6 futbollistë të predispozuar për të luajtur në fazën ofensive, por varet nga mënyra si paraqitet ekipi në fushë. Duhet të bëjmë krahasime me skuadrat e mëdha.
Hysaj? Nuk kishte harmoni me Ançelotin, ndërsa me Gatuzon po luan krejtësisht ndryshe. Sa herë që luante vendosej në provë, por këtë vit ai ndihet më i sigurtë dhe po jep një kontribut të shkëlqyer. Gjithmonë luan mirë, e përgëzoj më shumë se një herë. Më lë përshtypjen se Hysaj luan më mirë në krahun e majtë sepse ku kthehet pas kalon në krahun e djathtë. Po bën mirë, shpresoj të vazhdojë të luajë kështu”, deklaroi trajneri italian Edi Reja për “Marte Sport Live”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
