Tratativat e njëpasnjëshme të drejtuesve të Liverpoolit në lidhje me rinovimin e kontratës me Mohamed Salah duket se do të përfundojnë me sukses.
Sipas zërave të fundit marrëveshja është arritur nga palët por mbetet zyrtarizimi i saj.
Egjiptiani vijon të jetë një element shumë i rëndësishëm në ofensivën e ‘’ The Redsave ‘’, një ekip që po bën ligjin në Premier League dhe Champions League.
Që prej transferimit në ‘’ Anfield Road ‘’ në 2017-tën ishi i Romës ka treguar se drejtuesit e anglezëve kanë qëlluar në shenjë.
Flitet për një kontratë për tre vitet e ardhshme dhe në vijimësi 32 vjeçari do të ketë mundësinë për të qenë përsëri protagonist me ish fituesit e Champions Leagues.
Me këtë arritje kuptohet qartazi ambicja e kësaj skuadre, e cila nën drejtimin e Arne Slot po impresionon në çdo kompeticion.
Afrikani ka arritur statistika impresionuese, konkretisht 18 gola dhe 15 asiste në 24 sfida, të cilat flasin se momentalisht mbetet një ndër më të rrezikshmit e kontinentit të vjetër.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
