FIFA thuhet se i ka bllokuar merkaton klubit të Feronikelit. Shkak për këtë është bërë një borxh i klubit ndaj futbollistit Bedri Greca. Ky i fundit u largua nga Feronikeli në merkaton e janarit, por kishte ende disa pagesa pa marrë nga klubi nga Drenasi.
Në këtë situatë, Greca pasi nuk po merrte pagat, vendosi ta adresojë çështjen në FIFA, aty ku i dhanë të drejtë. Megjithatë pavarësisht kësaj, Feronikeli përsëri nuk pagoi dhe tashmë janë marrë masa për këtë.
Në Kosovë raportojnë se FIFA i ka bllokuar merkaton klubit nga Drenasi dhe do të mbetet e mbyllur, deri sa të shlyhet borxhi ndaj ish-lojtarit të Tiranës.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
