Cristiano Ronaldo bëri një lëvizje të bujshme në merkaton e verës, teksa u largua nga Juventusi për t’u rikthyer te Manchester United në Preimer League.
Megjithatë nuk përjashtohet edhe një tjetër rikthim i bujshëm për sulmuesin 36-vjeccar, por këtë herë te Sporting Lisbon. Nëna e portugezit, Dolores Aveiro, në një intervistë të dhënë së fundmi tha se dëshira e madhe është që ta shikojë sërish djalin e saj me fanellën e Sporting dhe këtë ia ka treguar edhe atij vetë.
“Cristiano Ronaldo duhet të kthehet te Sporting. Nëse do të ishte zgjedhja ime ai tashmë do të ishte këtu. Atij i pëlqen të shikojë ndeshjet e Sporting. Unë ia kam thënë atij se para se të vdes, dua të shikoj edhe njëherë të rikthehet te Sporting. Pas kësaj ai më tha: ‘Të shikojmë’. Megjithatë nëse Cristiano nuk do të rikthehet, atëherë aty do të luajë djali i tij i madh”, tha Dolores.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
