Mbetja në prapavijë prej kohësh tashmë vijon të jetë një shqetësim për drejtuesit e Barcelonës.
‘’ Blaugranët ‘’ janë shumë larg skuadrës së dikurshme e cila bënte ligjin në çdo kompeticion, të cilët tanimë kanë filluar ti bëjnë llogaritë për sezonin vijues.
Disa reparte kanë rezultuar difektoze, kryesisht mbrojtja dhe sipas ‘ Il Corriere Dello Sport ‘, spanjollët e kanë deklaruar objektivin e rradhës.
Kvicha Kvaratskhelia, i cili pretendohet edhe nga Paris St Germain është një lojtar që pëlqehet shumë nga Xavi Hernandez, trainer që po jep maksimumin për ekipin e zemrës, i cili fitoi gjithçka me ‘’ Los Cules ‘’ në të kaluarën.
Megjithatë, rivaliteti me ‘’ Les Pariziens ‘’ nënkupton një lloj vështirësie për ish fituesit e La Ligas për arsye të potencialit të presidentit Nasser Al Khelaifi, i cili ndër vite ka arritur të transferojë lojtarë shumë të famshëm në ‘’ Parque de Princes ‘'.
Gjeorgjiani po zhvillon sezonin e dytë me Napolin dhe deri më tani numëron 10 gola dhe 5 asiste në 36 sfida dhe interesi i shtuar me kalimin e kohës natyrisht ia rrit vlerat.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
