Situata e Romelu Lukakut tek Napoli është agravuar në kohët e fundit.
Gjatë periudhës prej dy javësh kur po zhvilloheshin ndeshjet e Play Offit për Botërorin e 2026-tës belgu vendosi të mos rikthehej në ‘’ Diego Armando Maradona ‘’ atëherë kur e përcaktuan drejtuesit e bardhekaltërve, fakt i cili e ka vënë dukshëm në pikpyetje qëndrimin.
Ishi i Chelseat mund të bëjë gati valixhet me të mbaruar sezoni, duke qenë se kjo situatë është mbështetur edhe nga traineri Antonio Conte i cili shquhet si shumë kokëfortë dhe i disiplinuar.
Gjithsesi, duhet theksuar se 32 vjeçari ka patur ulje-ngritje të vazhdueshme referuar rendimentit dhe tanimë Aurelio Di Laurentis ka deklaruar se është i gatshëm të pranojë rreth 10 milionë euro për largimin e tij.
Sigurisht qendërsulmuesi ndodhet në një moment kritik të karrierës por parashikohet se ofertat për të s’do të mungojnë.
7 sfida dhe 1 gol numëron nxënësi i trainerit nga Lecce në sezonin aktual i cili me shumë gjasa do të jetë i fundit tek ish fituesit e Scudettos.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
